Манай онлайн дэлгүүрт тавтай морил !

Сагс

Шинэ Бүтээгдэхүүн

Хиймэл оюун ухаан буюу Artificial Intelligence, AI

10 сарын 29, 2019

Хүний сэтгэхүйг дууриалган компьютерын програм хангамжаар бүтээгдсэн ба хүний оюун ухаантай бараг ижил түвшинд хүргэсэн технологийн төрөл бөгөөд аливаа хүний хийдэг үйл ажиллагааг автоматжуулан удирдахад зориулагдсан.
Тухайн технологийг хөгжүүлснээр асар олон хүний, олон өдөр хийж гүйцэтгэдэг байсан ажлыг маш богино хугацаанд хийж гүйцэтгэж болохоос гадна тасралтгүйгээр буюу жилийн 365 өдөр ажиллаж боломжтойгоороо давуу талтай юм.
Хиймэл оюун нь өөрийгөө хөгжүүлж байдаг төгс программ хангамж гэж ойлгож болох бөгөөд бид бүхэн хиймэл оюуныг роботоор төсөөлж болно. Гэхдээ өнөөгийн робот бол зөвхөн тухайн зохиогчийн бичигдсэн алгоритмын дарааллаар ажилладаг. Мөн өнөөгийн компьютер тоглоомууд нь үүний тод жишээ юм. Хэрэв бид төгс хиймэл оюуныг зохион бүтээх аваас хүн төрөлхтөн өөрсдийнхөө бүтээсэн зүйлд устаж үгүй болох магадлалтай гэж зарим эрдэмтэд үздэг.

Түүх 
ХО-ны судалгааны салбар 1956 оны зун Дартмутын Коллежийн хотхонд болсон зөвлөгөөн дээр үүсгэн байгуулагдсэн бөгөөд Жон Маккарти, Марвин Мински, Аллен Невел, Артур Самуэл, Херберт Саймон зэрэг эрдэмтэд олон арван жил ХО-ны судалгааны удирдагчид байсан. Тэд болон тэдний оюутнууд ихэнх хүмүүсийн хувьд зүгээр л гайхамшигтай программуудыг бичсэн: тоглоомд хожигч, алгебрт өгүүлбэртэй бодлогыг боддог, логикийн теорем баталдаг, мөн ярианы англи хэлний компьютерууд байв.
1990-ээд он болон 21-р зууны эхэн үед ХО-ны салбар хэдий анхаарлын төвд байгаагүй ч хамгийн дээд амжилтдаа хүрэв. Хиймэл оюун ухааныг ложистик, мэдээллийг боловсруулах, эмчилгээний дүн шинжилгээ болон бусад олон салбарт ашиглаж эхлээд байв.  Мөн ХО ухаан болон бусад салбаруудын хоорондын шинэ харилцаа холбоо бий болсон, мөн хүнд хэцүү математикийн арга, шинжлэх ухааны стандартуудад зориулсан шинжээчдийн шинэ шийдэл зэрэг нь хиймэл оюун ухааны салбарт томоохон түлхэц болж байв. Түүний амжилт нь олон хүчин зүйлээс үүдэлтэй ба компьютерын тооцоолох хүчин чадал өссөнтэй холбож үзэж болно.

Хиймэл оюун ухаан өнөө үед
Анх хиймэл оюун ухааныг бүтээхдээ код бичиж өгөөд тухайн бичиж өгсөн кодын дагуу үйлдэл гүйцэтгэх байдлаар програмчилж байсан бол өнөө үед хиймэл оюун ухаан нь өөрөө тухайн зүйлийг туршиж үзээд туршлага хуримтлуулах байдлаар ажиллах алгоритмыг туршиж байна.
Удахгүй буюу 3-10 жилийн дотор хиймэл оюун нь давтамжтай ажлын байрыг үгүй хийнэ гэсэн судалга хүртэл гарчээ.

Боломжоо бүрэн ашигла

Имэйл хаягаа бүртгүүлэн хямдрал, урамшуулалын мэдээлэл аваарай.