Манай онлайн дэлгүүрт тавтай морил !

Сагс

Шинэ Бүтээгдэхүүн

Хятадын NIO “Tesla”-ийн “Model 3”-тай өрсөлдөх загвараа танилцуулжээ

01 сарын 12, 2021

БНХАУ-ын цахилгаан автомашин үйлдвэрлэгч “NIO” компани “Tesla”-ийн “Model 3” загвартай өрсөлдөх седан ангиллын “ET7” автомашинаа танилцууллаа.

Энэхүү автомашины үнэ 450 мянган юаниас эхэлж байгаа бөгөөд 2022 оны эхний улиралд худалдаанд гарах юм байна. “NIO”-ийн үйлдвэрлэж буй анхны седан ангиллын энэ загвар нь гурван өөр багтаамжтай цэнэг хураагуурын сонголттойгоор худалдаалагдана.


Харин “Tesla”-ийн автомашины хувьд үнэ нь 265 мянган юань байгаа аж. Хэдий тийм боловч “NIO”-ийн автомашины цэнэг хураагуурын багтаамж илүү өндөр гэдгээрээ онцлог. Түүнчлэн цэнэг хураагуурыг цэнэглэхгүйгээр шууд солих технологийг нэвтрүүлжээ.

Өнөөдөр дэлхийн автомашин үйлдвэрлэгчдийн дунд уламжлалт дотоод шаталтын хөдөлгүүрээс цахилгаан хөдөлгүүрт шилжих өрсөлдөөн ид явагдаж байгаа. Уламжлалт үйлдвэрлэгчдийг эс тооцвол энэ салбарт АНУ-ын Тесла тэргүүлж, Хятадын хэд хэдэн компани удаалж байгаагийн нэг хүчтэй төлөөлөгч нь Nio юм.