Манай онлайн дэлгүүрт тавтай морил !

Сагс

Зөвлөгөө

Принтер авахдаа юуг анхаарах вэ?

12 сарын 02, 2021

Хэрэглэгч та бүхэнд принтерийн тухай, худалдаж авахдаа юуг анхаарах, хэдэн төрлийн принтер тэдгээрийн хэрэглээ зэргийн талаар зөвлөгөө хүргэе.

Dot Matrix Printer – Цэгэн матрицийн хувилагч машин энэ нь дээр үеийн бичгийн машин шиг технологитой байдаг. Хэдийгээр график хэвлэх боловч чанарын хувьд тааруу, туузан хортой байдаг учраас нягтаршил маш бага. Энэ төрлийн принтер одоо хэрэглээнээс бараг гарсан гэхэд болно.

Injket Printer – Бэхэн хорны технологийн санааг 1950 оны эхээр Ичиро Эндо гэх зохион бүтээгч гаргаж, анхны бэхэн хортой принтерийг 1976 онд  HP  үйлдвэрлэлд нэвтрүүлж байсан ба асар хурдан хатдаг бэхэн хорыг цаасан дээр маш жижиг цэг байдлаар цацаж хэвлэдэг. Хор нь тусгай саванд хадгалагддаг принтер юм.
Laser Printer – Лазер принтер хэвлэхдээ лазерын технологи ашигладаг одоо үед хамгийн түгээмэл хэрэглэээтэй принтер юм. Лазер нь тусгай хэвэн дээр юуны түрүүнд зургийг буулгаж хэвээ хорон дээгүүр наалдуулж дараа нь цаасан дээр тэрхүү наалдуулсан хороо хайлуулж буулгадаг.

Plotters – Плоттер ийм принтер нь цаасан дээр дүрсийг зурахын тулд үзэг хэрэглэдэг ба ихэвчлэн маш том хэмжээтэй байдаг. 1 – 5 бүр 10 хүртлэх метр өргөнтэй харин цаасыг гулгуулж авдаг учраас цаас нь хэдий урт байсан ч болдог.
Харин та принтер худалдан авахдаа дараахд анхаарал хандуулаарай.

Хэвлэлтийн чанар – Хэвлэсэн зураг, текст нь хэр чанартай вэ?

Хурд – Хэр хурдан хэвлэх нь чухал боловч чанартай хэвлэдэг бол хурд удаантай байх нь хэвийн юм.

Бэхэн хор, Лазер – Ямар төрлийн хор хэрэглэдэг вэ? Бэхэн үү, нунтаг уу эсвэл тууз хэрэглэдэг үү? Түүнийг солиход хир их зардал гарах вэ? Бас амархан уу? Заавал тусгай мэргэжилтэн шаардлагатай юу? Гэдгийг асууж лавлаарай.

Цаас – Онцгой төрлийн цаас шаарддаг уу? Бас төрөл бүрийн зузаан, нимгэн цаасан дээр хэвлэж чадах эсэхийг анзаарах хэрэгтэй.

Нягтрал - Монитор шиг принтерт бас нягтрал байдаг ба DPI  гэсэн үзүүлэлт буюу нэг инч дэх цэгийн тоо гэсэн утгатай юм. Тэгэхээр таны принтер 600 * 600 dpi  гэсэн байвал нэг кв инчид  360 000 цэг хэвлэж чадна гэсэн үг. Энэ нь дээхэн үеийн лазер принтерийн үзүүлэлт одоо нягтралын хувьд өндөр үзүүлэлттэй байдаг болсон. Нягтрал сайн байх тусмаа илүү чанартай хэвлэх юм.

Та дэлгэрэнгүй зөвлөгөө мэдээлэл авахыг хүсвэл 7575-6677 дугаарт холбогдоорой.
HP бол Best


Боломжоо бүрэн ашигла

Имэйл хаягаа бүртгүүлэн хямдрал, урамшуулалын мэдээлэл аваарай.